Im falsche Film

Im falsche Film

Der Mond schiint so bleich dur d’Lamälle is Zimmer
Duss uf em Parkplatz schtönd Autos wie immer
Neonliecht malt farbigi Schatte
drunder es Bett und es quietscht e Matraze 
Het d’Auge zue, d’Lippe halb offe
die schönschti Frau, won er je het troffe
lit do nebe ihm und er wagt se chum z’hebe
denn Zoom uf sis Gsicht und er foht afa rede

Help me Baby (hilf mer Schatz)
Love in vain (isch Liebi für d’Chatz)
You don’t know what it’s all about
Sitzisch im falsche Film

Kei Mensch wit und breit, nume d’Sunne wo höllisch
ufs Gras abe brennt und dört hinde, wo’s Gröll isch
bewegt sich doch öppis, du luegsch emol gnauer
was gar nid wotsch gseh und es packt di e Schauer
E schliimige Huufe us Bluet und Chnoche
es würgt di im Hals und du schlucksch zwoimol troche
Du starrsch uf die Liinwand und chaschs fasch nid glaube
Jetz macht er sis Mul uf und rollt mit den Auge

Help me Baby (hilf mer Schatz)
Love in vain (isch Liebi für d’Chatz)
You don’t know what it’s all about
Sitzisch im falsche Film

Es Auto ir Wüeschti, denn plötzlich Las Vegas
paar Reife wo quietsche und er git no meh Gas. 
Type wo schiesse und nid gern verliere
Autos wo krachend ir Luft explodiere.
Du nimmsch iri Hand und er schreit grad: ******
ihre ischs piinlech, si frogt di: was machsch du?
denn landet si Wage im blaue Pazifik
du görsch ne no schreie i siner Verzwiiflig

Help me Baby (hilf mer Schatz)
Love in vain (isch Liebi für d’Chatz)
You don’t know what it’s all about
Sitzisch im falsche Film