Es git kei gueti Musig meh

Es git kei gueti Musig meh

I ha so lang gstudiert i ha so vil probiert
I bi so mängi Nacht verwacht
Es het mi inspiriert und i ha komponiert
ha bis am Morge duregmacht

I ha so ghofft, es goht, we me mi nume loht
i möcht doch eifach nur, dass d’weisch:
So viel Gfühl vo mir, steckt i dem Lied für di
doch alles, wo du seisch:

Es git kei gueti Musig meh 
die Ziite si verbii
I ha scho lang kei heissi Band me gseh
wo si die alli hi
I glaub, die guete Type si längschtens tot 
oder mindeschtens senil
Aber pass uf, wenn das so wiiter goht 
bisch du au bald derbii

De Typ bim Radio, de seit, er sigi froh
er hegi d’Sixties live erlebt
Genau so gseht er us, doch ihm macht das nüt us
wil er am Alte chläbt
Er redt vo love and peace und chlagt, es göng ihm mies
er träumt vo süttig heissem Vinyl
alles so radikal, so chalt und digital
er vemisst das guete Feel

Er seit: Es git kei gueti Musig meh, 
die Ziite si verbii...

Sicher, ihr liebe Fründ, es isch kei Schand und Sünd
wenn me chli singt und musiziert
Wenn me sich öppe trifft und zäme gmüetlich kifft
und ab und zue chli diskutiert
wenn me i d’Taschte griift und über d Saite schliift
sich als Newcomer inszeniert
So lang das niemer stört, so lang das keine ghört
Wills doch scho lang nüm interessiert

Es git kei gueti Musig meh, die Ziite si verbii...